jueves, 14 de enero de 2010

Travesía Lloviu - Nueva (Cordal de Cueva Negra)


Archivos GPS:
Track: descargar (gpx)

Llugar
: Ribesella / LLanes
Duración: 7 hores
Puntu de salida: Lloviu

Desnivel: 700m (pero el acumuláu ye abondo mayor)
Dificultá: Media









      Ruta afayadiza pa facela pel iviernu cuando hai ñeve nos cordales del interior d'Asturies. Pa averase a Lloviu gárrase'l desvíu de la A-8 de Lloviu, y xustu na retonda hai una salida que mos lleva a una zona paralela a la carretera. Ehí dexamos el coche. La travesía va en tou momentu paralela a la autopista A-8 pel cordal que hai de llau: El cordal de Cueva Negra.


       La primera parte del percorríu ye una subida un poquiñín agresiva y salvando les molestes cotolles hasta algamar el primer oxetivu: El Cabezu(366m), que ye la peñona que ves de frente cuando vas pela autopista en sentíu Santander.
       A partir d'equí trátase de dir crestiando y faciendo tolos altos que vamos alcontrando hasta llegar al Picu Maor que tá xustu enriba de Nueva. Más concretu vamos facer cume nos siguientes altos: Picu Cueri (580m), Picu H.orovitaya (719m), Altu Teyadera (743m), Los Cuetos Medios, Picu Bacia (565m), Tejucas (555m), Picu Sorrolles (555m), Picu Gurugú (517m) y Picu Maor (376m).


      Hai que sorrayar qu'una bona parte del percorríu vas pinchándote por mor de les cotolles y los escayos que tán espardíos per tol cordal. Amás, hai una parte bien mala de caminar poles piedres afilaes q tien y les cotolles, que ye la baxada xusto depués de facer cume nel Picu Bacia. Alcontramos un pastor llaniscu que mos lo alvirtió, y de fechu les nuestres piernes pudieron comprobalo.


El Cabezu al fondo

Vamos dexando la autopista

Costa Ribeseyana

Camangu

Los tres magníficos nel Altu Teyadera???

Yo cola costa llanisca detrás

Berto y Carlos nel Picu Sorrolles

4 comentarios:

  1. La última semeya ye nel picu Sorrolles, xusto enantes del Gurugú.

    La verdá ye qu'esos 700 ms, nun dan cuenta pol acumuláu que ficimos. Que paliza nos dímos

    ResponderEliminar
  2. Gracies pol apunte. Ya tá correxío.
    Sí, vaya palizón, que fue tovía más duru por mor de los pinchazos

    ResponderEliminar
  3. Aunque pasaren dos años, voy contestar ahora (uno enterose hoy de la pregunta). Donde diz... Meluerda?, poneis: Camangu! y la que trae... costa Llanisca, ye mas Riosellana que nada (vese parte de Meluerda y Camangu, Toriellu, Cuerres completo; de Llanes, Pría y poco mas). Salud.

    ResponderEliminar