Archivos GPS:
Track: descargar (gpx) / descargar (plt)Llugar: Ayer
Duración: 5 hores
Puntu de salida: Puertu Vegará
Desnivel: 500m
Dificultá: Media
La salida d'esta ruta ye dende'l Puertu Vegará, puertu malpenes conocíu y que tá ente los perconocíos puertos de San Isidro (puertu Braña) y Payares. La forma más directa de llegar dende Asturies camiento que ye garrando una carretera dende Col.lanzo y la última parte ye de pista de tierra. Nós, fuimos per Payares y desviámonos en Vil.lamanín. Tardamos unes 2 hores dende Xixón.
Nun ye esta una caminata que tenga una dificultá grande pa ún que tenga'l vezu de caminar más o menos con frecuencia. Al pocu de salir del puertu Vegará, más concretu dende un sitiu onde hai un edificiu mediu en ruines que nun sé si antaño fore un refuxu o dalgo asemeyao desviámonos a manzorga pa dir ente llamargues y subiendo progresivamente per un sitiu onde nun haí camín definíu dafechu pero que si lleves bien la orientación nun tien perda. Como se verá nes semeyes teníemos una borrina abondo espesa y pocu se podía apreciar del camín.
Darréu, el cielu diba espeyando y ya pudieron vese les peñes del Faro delantre nuestro. Quédamos lo más duro de tou, que ye la ascensión final. Hai que subir hasta'l colláu que tá a mandrecha del cordal según miramos pa elli. Una vez nel colláu, xiramos a manzorga pa empobinar la ascensión final. Primero llégase al Faro (2106m) , y dende ellí, a quince minutinos si nun recuerdo mal vamos crestiando y llegamos al Picu Güevu (2150m).
La vuelta pue facese pel mesmu sitiu. Nós nun fóremos pel mesmu lláu esactamente, sinon siguiendo'l cauce del ríu hasta dar cola pista que va al puertu.
Nel puertu Vegará
Cola borrina enriba nós
Paradina de la subimos
Espeyando, ya se ve El Faro
Nel Faro
Vistes colos Picos al fondo
Más vistes
Nel Picu Güevu
Entradas
Bien prestosa tuvo esta rutina. A ver qu'inventamos pa esti domingu que va tar jodíu pol tiempu, jeje
ResponderEliminarUn par de detalles toponímicos, amigu Solsticiu:
ResponderEliminar- COL.LANZO
- EL PICU FARO
- VEGARÁ (la xente d'ellí nunca-y pon lo de "puerto" o "puirtu" delantre)
Nun me doi cuenta d'esa casa en ruines dende la qu'echestis a andar. ¿Nun te tarás refiriendo al bunker (impresionante, anque non mui grande) construíu nuna peña que queda a la izquierda de la carretera según subes de Llión, más p'arriba de La Venta Vegará?
En fin, un sitiu guapísimu y que nunca defrauda. Gracies por traelu equí.
Raúl.
Gracies poles correciones. Nun me fai falta contrastar, fíome de la xente que conoz la zona asina que ya tá correxío.
ResponderEliminarNon, lo que yo digo ye un edificio que queda a mandrecha según vienes de Llión. Nun sé qué sedría en su día.
L'edificiu esi pué vese na primer semeya
ResponderEliminarAh, sí. Esa ye La Venta Vegará. La última vez que pasé per ellí nun taba abierta y paecióme que taben d'obres. Pensé que la diben arreglar. Si tovía ta asina, igual ye que la abandonaron. Ye bona pena. La venta ye propiedá del conceyu de Lugueros, que facía una subhasta tolos años pa decidir quién yera'l llevador. Yo conocí seis o siete llevadores distintos. De primeres solíen ser ayeranos: d'El Pino, de Felechosa, de L.levinco. A última hora llevábenla dos muyeres de Valdelugueros (creo que de Tolibia). Yera un sitiu prestosísimu, sobremanera en verano, cuando s'axuntaben pela nueche a beber y a cantar los vaqueros del puertu (ayeranos la mayoría). Comíase mui bien y podíes quedar a dormir, too ello a un preciu mui mui apañadín. Eso sí: nun había corriente nin agua caliente y dábente una llinterna pa pela nueche. Prestaba muncho porque tábase agusto y yera como vivir na era preturística. Siento que tea ciarrao, la verdá.
ResponderEliminarEn fin, perdón pola batalla qu'acabo contar. Préstame'l blogue. Feliz añu qu'entra y que nun falten les caminaes pel monte.
Gracies Raúl. Mui interesante lo que me cuentes. De xuru que yera un sitiu perprestosu.
ResponderEliminarAgradézcote los tos comentarios.
Feliz añu